“Марсель” ҳужумчиси Пьер-Эмерик Обамеянг Европа лигаси плей-офф босқичи жавоб ўйинида “Шахтёр” устидан қозонилган ғалаба (3:1) ҳақида фикр билдирди.

“Бугун жуда хурсандман. Ўйлайманки, ўз уйимизда ғалаба қозониш биз учун муҳим эди. Мухлислар жуда қийин вазиятда ҳам келганидан хурсандмиз. Биз бугунги вазифани аъло даражада бажардик. Бу ҳафта биз учун жуда муҳим. Якшанба куни бизни яна бир ўйин кутиб турибди - умид қиламанки, биз яна худди шундай ўйнай оламиз", - дея Обамеянгнинг сўзларини келтиради УЕФА матбуот хизмати.

34 ёшли габонлик футболчи турнир тарихидаги энг яхши тўпурарга айлангани ҳақидаги маълумотларга ҳам жавоб қайтарди.

“Бу кўп нарсани англатади. Ушбу турнирда энг яхши тўпурар бўлганимдан жуда хурсандман. Умид қиламанки, мен бу ерда тўхтаб қолмайман, лекин биринчи бўлиб қолиш учун қайта-қайта гол уришим мумкин!", - деди Обамеянг.