"Manchester Yunayted" "Yuventus" himoyachisi Gleyson Bremerga qiziqish bildirmoqda.
Manbaga ko‘ra, ingliz klubi 26 yoshli braziliyalikni yozda jamoani tark etishi mumkin bo‘lgan Rafael Varanning o‘rnini bosuvchi futbolchi sifatida ko‘rmoqda.
15 fevral kuni “Yuventus” Bremerni 75 million yevrodan kam bo‘lmagan evaziga qo‘yib yuborishga tayyorligi xabar qilingandi.
Bremer Turin klubida 2022 yilning iyulidan buyon o‘ynamoqda. 2023/24 yilgi mavsumda futbolchi 25 uchrashuvda 2 ta gol urgan. Futbolchining jamoa bilan shartnomasi 2028 yilning iyun oyi oxirigacha amal qiladi.
