"Milan" bosh murabbiyi Stefano Pioli o‘zining "Atalanta"dagi hamkasbi Gasperiniga yarim himoyachi Sharl de Ketelarega Italiya futboliga moslashishda yordam bergani uchun minnatdorchilik bildirdi.
“Italiyada birinchi mavsumni yomon o‘tkazib, keyin muvaffaqiyatga erishgan futbolchilarga ko‘p misollar bor. Gasperini Sharlga moslashishga yordam berdi va unga ko‘proq hujumkor pozisiyani ishonib topshirdi", - dedi Pioli matbuot anjumanida.
De Ketelare "Atalanta"da ijara asosida o‘ynaydi va u hamon "Milan"ga tegishli. Belgiyalik futbolchi bu mavsum A Seriyada 6 ta gol urdi va 6 ta golli uzatmani amalga oshirdi.
