"Милан" бош мураббийи Стефано Пиоли ўзининг "Аталанта"даги ҳамкасби Гасперинига ярим ҳимоячи Шарль де Кетеларега Италия футболига мослашишда ёрдам бергани учун миннатдорчилик билдирди.
“Италияда биринчи мавсумни ёмон ўтказиб, кейин муваффақиятга эришган футболчиларга кўп мисоллар бор. Гасперини Шарлга мослашишга ёрдам берди ва унга кўпроқ ҳужумкор позицияни ишониб топширди", - деди Пиоли матбуот анжуманида.
Де Кетеларе "Аталанта"да ижара асосида ўйнайди ва у ҳамон "Милан"га тегишли. Белгиялик футболчи бу мавсум А Серияда 6 та гол урди ва 6 та голли узатмани амалга оширди.
