Italiyada yigirma oltinchi tur o‘yinlari yakunlandi, "Lasio" "Fiorentina"ga qarshi o‘yinda mag‘lub bo‘ldi. Rim klubining ispaniyalik yarim himoyachisi Luis Alberto o‘yin natijasi haqida fikr bildirdi.

"Maydonda ko‘p narsa yaratmadik. Birinchi bo‘limda ham ustunlikka loyiq emasdik. Raqibning jarima maydonchasiga kamdan-kam kirib bordik va himoyada ikkita keraksiz gol o‘tkazib yubordik. Bu juda muhim o‘yin bo‘ldi. Raqib bunga moslashdi va deyarli xatoga yo‘l qo‘ymadi, biz esa bunday qilmadik", - deya ispaniyalik futbolchining so‘zlarini keltiradi cittaceleste.it.