Madridning “Atletiko” klubi markaziy hujumchisi Alvaro Morata Italiya chempionatiga qaytishi mumkin. 31 yoshli hujumchini o‘z safiga uning sobiq jamoasi Turinning "Yuventus" klubi qiziqmoqda.
Manbaning xabariga ko‘ra, "keksa sinyora" mavsum oxirida Moratani sotib olish variantini ko‘rib chiqmoqda. Alvaroning "matraschilar" bilan shartnomasi 2026 yilning o‘rtalariga qadar tuzilgan.
Morataning transfer narxi 20 million yevroga baholanmoqda. Ispaniya chempionatining joriy mavsumida hujumchi 23 ta o‘yin o‘tkazib, 13 ta gol va bitta golli uzatmani amalga oshirdi.
