27 yoshli futbolchi joriy mavsumga tayyorgarlik, jamoa maqsadi hamda chempionat oxirida qaysi jamoalar sovrindorlar safidan o‘rin egallashi to‘g‘risidagi fikrlari bilan o‘rtoqlashdi.
"Yangi mavsumga tayyorgarlik a’lo darajada o‘tmoqda. Turkiyaning Antaliya shahrida o‘quv-yig‘in mashg‘ulotlarini olib bordik. Xudo xohlasa, chempionatning ilk turini g‘alaba bilan boshlab, oxirigacha shu zaylda boramiz.
"Paxtakor" asosiy e’tiborini yoshlarga qaratgan. Yoshlarimiz juda yaxshi. Ular ham o‘z iqtidorini ko‘rsatib, g‘alabalar uchun yordam beradi.
O‘ylashimcha, "Paxtakor", "Nasaf" va "Navbahor" Superliga yangi mavsumida ham kuchli uchlikdan joy oladi.
Biz raqib tanlamaymiz, barchasiga jiddiy e’tibor qaratamiz.
Ilk uchrashuvni muxlislarimiz qarshisida o‘tkazish yoqimli. G‘alaba bilan ularni xursand qilishga harakat qilamiz", dedi yarim himoyachi.
Eslatib o‘tamiz, "Paxtakor" Superligadagi ilk o‘yinini 4 mart kuni "Surxon"ga qarshi o‘tkazadi.
