"Real Sosyedad"ning hujumkor yarim himoyachisi Mikel Oyarsabal Qirol kubogi yarim final bosqichidan chiqib ketgani haqidagi fikrlari bilan o‘rtoqlashdi. Ikki o‘yindan iborat qarama-qarshilik natijasida jamoa "Malyorka"dan mag‘lub bo‘ldi.
“Bu biz va muxlislarimiz uchun katta umidsizlik. Muxlislarga qo‘llab-quvvatlaganliklari uchun minnatdorchilik bildiraman. Finalga bir qadam qolganda musobaqadan chiqib ketish juda achinarli. Lekin biz bu sahifani yopib, oldinga harakat qilishimiz kerak”, - dedi yarim himoyachi.
"Real Sosyedad"ning navbatdagi o‘yini Ispaniya chempionati doirasida "Sevilya"ga mehmonda bo‘ladi. Uchrashuv 2 mart, shanba kuni bo‘lib o‘tadi.
