"Manchester Yunayted" "Sporting" yarim himoyachisi Morten Yulmannga qiziqish bildirmoqda.

Ingliz klubi rahbariyati daniyalik futbolchining o‘yinlarini kuzatish uchun o‘z skautlarini ko‘p marta Lissabon o‘yinlariga yuborgan. “Qizil iblislar” yaqin orada futbolchini sotib olish taklifi bilan chiqishlari mumkin.

Joriy mavsumda 24 yoshli Yulmann 34 ta o‘yinda maydonga tushib, 2 ta gol urdi va 3 ta golli uzatmani amalga oshirdi.

Transfermarkt portali daniyalikning narxini 26 million yevroga baholamoqda. Yarim himoyachining "Sporting" bilan shartnomasi 2028 yilning iyun oyi oxirigacha amal qiladi.