"Манчестер Юнайтед" "Спортинг" ярим ҳимоячиси Мортен Юльманнга қизиқиш билдирмоқда.
Инглиз клуби раҳбарияти даниялик футболчининг ўйинларини кузатиш учун ўз скаутларини кўп марта Лиссабон ўйинларига юборган. “Қизил иблислар” яқин орада футболчини сотиб олиш таклифи билан чиқишлари мумкин.
Жорий мавсумда 24 ёшли Юльманн 34 та ўйинда майдонга тушиб, 2 та гол урди ва 3 та голли узатмани амалга оширди.
Transfermarkt портали данияликнинг нархини 26 миллион еврога баҳоламоқда. Ярим ҳимоячининг "Спортинг" билан шартномаси 2028 йилнинг июнь ойи охиригача амал қилади.
