Mashhur ingliz sobiq hujumchisi Alan Shirer "Manchester Yunayted" vingeri Antonining o‘yini haqida fikr bildirdi.
Braziliyalik futbolchi Angliya kubogi doirasida "Nottingem Forest"ga qarshi o‘yinda "qizil iblislar"ning asosiy tarkibiga qaytdi, biroq Premyer-liga tarixidagi yetakchi to‘purarning so‘zlariga ko‘ra, u yana o‘zini ko‘rsata olmadi.
73-daqiqada Erik ten Xag Antonining o‘rniga Amadu Dialloni maydonga tushirdi.
"Antoni almashtirilganidan hafsalasi pir bo‘lishi mumkin, ammo u maydonda qolish uchun yetarli harakat qilmadi.
Hammasi avvalgidek: u to‘pni qabul qiladi, markazga o‘tadi, kimgadir uzatadi yoki zarba beradi. Ular sen uchun shuncha pul to‘lashsa, bu achinarli", - deya Shirerdan iqtibos keltiradi United Zone.
