Машҳур инглиз собиқ ҳужумчиси Алан Ширер "Манчестер Юнайтед" вингери Антонининг ўйини ҳақида фикр билдирди.
Бразилиялик футболчи Англия кубоги доирасида "Ноттингем Форест"га қарши ўйинда "қизил иблислар"нинг асосий таркибига қайтди, бироқ Премьер-лига тарихидаги етакчи тўпурарнинг сўзларига кўра, у яна ўзини кўрсата олмади.
73-дақиқада Эрик тен Хаг Антонининг ўрнига Амаду Диаллони майдонга туширди.
"Антони алмаштирилганидан ҳафсаласи пир бўлиши мумкин, аммо у майдонда қолиш учун етарли ҳаракат қилмади.
Ҳаммаси аввалгидек: у тўпни қабул қилади, марказга ўтади, кимгадир узатади ёки зарба беради. Улар сен учун шунча пул тўлашса, бу ачинарли", - дея Ширердан иқтибос келтиради United Zone.
