"Real Madrid" darvozaboni Kepa Arrisabalaga jamoadagi holatidan ko‘ngli to‘lmayapti.
Madridliklar o‘tgan yozda asosiy darvozaboni Tibo Kurtua jarohat olgani sabab 29 yoshli ispaniyalik futbolchini "Chelsi"dan ijaraga olgan edi. O‘tishdan ko‘p o‘tmay, darvozabon asosiy tarkibdagi o‘rnini Andrey Luninga boy berib qo‘ydi.
The Athletic xabariga ko‘ra, Kepa "Real" bosh murabbiyi Karlo Anchelotti hozirda jamoaning birinchi raqamli futbolchisi kim ekanligini tushuntirmaganidan norozi.
Darvozabonning ijara shartnomasi 2023/24 yilgi mavsum oxirigacha amal qiladi. U “Real” safida 18 ta o‘yin o‘tkazib, 18 ta gol o‘tkazib yubordi va 7 ta o‘yinda darvozasi daxlsizligini saqlab qoldi.
