"Real Madrid" tarkibida hozirda 5 nafar futbolchi jarohat olgan. Biz ularning jismoniy tayyorgarligi haqidagi so‘nggi ma’lumotlarni to‘pladik.

Tibo Kurtua

Darvozabon oldingi xochsimon paylarning jarohati tufayli deyarli butun mavsumni o‘tkazib yubordi. Belgiyalik futbolchi tiklanish ustida ishlamoqda va ayni damda aprel oyida mashg‘ulotlarga qaytishni rejalashtirmoqda.

Jud Bellingem

Fevral oyi boshida ingliz futbolchisi "Jirona"ga qarshi o‘yinda to‘pig‘idan jarohat olgandi. Oxirgi ma’lumotlarga ko‘ra, u endi og‘riqni his qilmayapti va shu hafta oxirida "Valensiya"ga qarshi yoki chorshanba kuni "Leypsig"ga qarshi o‘ynashga tayyor bo‘lishi mumkin.

Eder Militao

Himoyachi avvaliga oldingi xochlaridagi jarohati tufayli butun mavsumni o‘tkazib yuborishi kutilgandi, ammo mavsum yakuniga qadar safga qaytishi mumkin. Braziliyalik futbolchi aprel oyining o‘rtalaridayoq Chempionlar ligasining chorak finalida (agar "Madrid" u yerga yetib borsa) o‘ynashga tayyor bo‘lishi mumkin.

David Alaba

Astriyalik futbolchi bu mavsumda jarohati sabab safga qaytmaydi. Uning qayta tiklanishi avgust oyida kutilmoqda.

Xoselu

Hujumchi "Rayo"ga qarshi o‘yinda to‘pig‘idan jarohat oldi. U mart oyi o‘rtalarida maydonga qaytishi kerak.