"Реал Мадрид" таркибида ҳозирда 5 нафар футболчи жароҳат олган. Биз уларнинг жисмоний тайёргарлиги ҳақидаги сўнгги маълумотларни тўпладик.
Тибо Куртуа
Дарвозабон олдинги хочсимон пайларнинг жароҳати туфайли деярли бутун мавсумни ўтказиб юборди. Бельгиялик футболчи тикланиш устида ишламоқда ва айни дамда апрель ойида машғулотларга қайтишни режалаштирмоқда.
Жуд Беллингем
Февраль ойи бошида инглиз футболчиси "Жирона"га қарши ўйинда тўпиғидан жароҳат олганди. Охирги маълумотларга кўра, у энди оғриқни ҳис қилмаяпти ва шу ҳафта охирида "Валенсия"га қарши ёки чоршанба куни "Лейпциг"га қарши ўйнашга тайёр бўлиши мумкин.
Эдер Милитао
Ҳимоячи аввалига олдинги хочларидаги жароҳати туфайли бутун мавсумни ўтказиб юбориши кутилганди, аммо мавсум якунига қадар сафга қайтиши мумкин. Бразилиялик футболчи апрель ойининг ўрталаридаёқ Чемпионлар лигасининг чорак финалида (агар "Мадрид" у ерга етиб борса) ўйнашга тайёр бўлиши мумкин.
Давид Алаба
Астриялик футболчи бу мавсумда жароҳати сабаб сафга қайтмайди. Унинг қайта тикланиши август ойида кутилмоқда.
Хоселу
Ҳужумчи "Райо"га қарши ўйинда тўпиғидан жароҳат олди. У март ойи ўрталарида майдонга қайтиши керак.
