"Yuventus" klubi yarim himoyachi Pol Pogba bilan shartnomani bekor qilish borasida muzokaralar olib borishga tayyorlanmoqda.
29 fevral kuni 30 yoshli fransuz antidoping qoidalarini buzgani uchun 4 yilga diskvalifikasiya qilingani ma’lum bo‘ldi.
Manbaga ko‘ra, Pogba bilan shartnomani bekor qilish "Yuventus"ga 30 million yevrodan ko‘proq mablag‘ni tejash imkonini beradi. Turinliklar apellyasiya natijasini kutishlari mumkin.
2023 yilning 11 sentyabr kuni A seriyaning 1-turida “Udineze”ga qarshi o‘yindan so‘ng (3:0) Pogbaning doping-testi ijobiy natija bergani haqida ma’lumot paydo bo‘ldi. Yarim himoyachining tanasida testosteron miqdori ortgani aniqlangan. Takroriy doping-test ham ijobiy natija berdi.
