"Ювентус" клуби ярим ҳимоячи Поль Погба билан шартномани бекор қилиш борасида музокаралар олиб боришга тайёрланмоқда.
29 февраль куни 30 ёшли француз антидопинг қоидаларини бузгани учун 4 йилга дисквалификация қилингани маълум бўлди.
Манбага кўра, Погба билан шартномани бекор қилиш "Ювентус"га 30 миллион евродан кўпроқ маблағни тежаш имконини беради. Туринликлар апелляция натижасини кутишлари мумкин.
2023 йилнинг 11 сентябрь куни А сериянинг 1-турида “Удинезе”га қарши ўйиндан сўнг (3:0) Погбанинг допинг-тести ижобий натижа бергани ҳақида маълумот пайдо бўлди. Ярим ҳимоячининг танасида тестостерон миқдори ортгани аниқланган. Такрорий допинг-тест ҳам ижобий натижа берди.
