"Manchester Yunayted" yarim himoyachisi Kobbi Maynu Erik ten Xagning ish uslublarini yuqori baholadi.
Niderlandiyalik murabbiy 18 yoshli futbolchiga tobora ko‘proq ishona boshladi - o‘tgan yilning oxiridan boshlab u jamoaning asosiy tarkibiga kirib oldi. Yosh angliyalik joriy mavsumning Premyer-ligadagi asosiy kashfiyotlaridan biri sanaladi.
"Men uni (ten Xagni) qadrlayman - bu uning har kuni o‘yinchilarga turtki berish qobiliyatidir. U har doim har qanday o‘yinchidan ko‘proq narsani xohlaydi va bu, menimcha, futbolchining tezroq rivojlanishiga yordam beradi”, dedi “Qizil iblislar”ning asosiy jamoasida 20ta o‘yinda ikkita gol urgan Maynu Sky Sports nashriga.
