"Манчестер Юнайтед" ярим ҳимоячиси Кобби Майну Эрик тен Хагнинг иш услубларини юқори баҳолади.
Нидерландиялик мураббий 18 ёшли футболчига тобора кўпроқ ишона бошлади - ўтган йилнинг охиридан бошлаб у жамоанинг асосий таркибига кириб олди. Ёш англиялик жорий мавсумнинг Премьер-лигадаги асосий кашфиётларидан бири саналади.
"Мен уни (тен Хагни) қадрлайман - бу унинг ҳар куни ўйинчиларга туртки бериш қобилиятидир. У ҳар доим ҳар қандай ўйинчидан кўпроқ нарсани хоҳлайди ва бу, менимча, футболчининг тезроқ ривожланишига ёрдам беради”, деди “Қизил иблислар”нинг асосий жамоасида 20та ўйинда иккита гол урган Майну Sky Sports нашрига.
