“Inter” darvozaboni Yann Zommer jamoasining navbatdagi g‘alabasidan so‘ng o‘z fikrlari bilan o‘rtoqlashdi.
A Seriya 27-turidan o‘rin olgan o‘yinda milanliklar "Jenoa" ustidan g‘alaba qozonishdi - 2:1. Simone Indzagi shogirdlari turnir jadvalidagi peshqadamlikni mustahkamlab, “Yuventus” bilan ochkolari farqini 15taga yetkazdi.
“Biz kutganimizdek, bugungi o‘yin qiyin bo‘ldi. Birinchi bo‘limda ikkita gol urish muhim edi. Raqib yaxshi o‘ynadi.
15 ochkolik farq? Bu yaxshi, lekin biz bu haqda o‘ylamaymiz. Endi bor e’tiborimizni "Bolonya"ga qaratamiz – bu bugungidek qiyin bo‘ladi. Keyin bizni Chempionlar ligasi o‘yini bor. Oldinda ko‘plab o‘yinlar bor, biz bosqichma-bosqich oldinga borishimiz kerak”, - dedi Zommer Sky Sport nashri bilan o‘yindan keyingi suhbatda.
