"PSJ" hujumchisi Kilian Mbappe Chempionlar ligasi 1/8 finalining javob uchrashuvida "Real Sosyedad" ustidan qozonilgan g‘alaba (2:1) haqida fikr bildirdi.
“Biz juda xursandmiz. Maqsad shu edi. Biz saralashdan o‘tishni istardik, shu bilan birga g‘alaba qozonishni ham xohlardik. Bizda aniq o‘yin rejasi bor edi va uchrashuv boshidayoq gol urishga muvaffaq bo‘ldik. Bizga ortiqcha bosim bo‘lmadi, faqat yakunda biroz qiynaldik.
Bu yerda xotirjam bo‘la olmasligimizni darhol angladik. Agar ular hisobni ochishganida, muxlislari qo‘llab-quvvatlagan holda o‘yinni davom ettirgan bo‘lardi. Va biz boshidanoq ularning umidlarini soqit qilishimiz kerak edi. Biz shunday qildik va biz yana chorak finalda o‘ynashimizdan juda xursandmiz", - deya Mbappening so‘zlaridan iqtibos keltiradi UEFA matbuot xizmati.
Parijliklarning chorak finaldagi raqibi qur’a natijalariga ko‘ra aniqlanadi. U 15 mart kuni bo‘lib o‘tadi.
%20haqida%20fikr%20bildirdi.&image=%2Fimages%2Fnews%2Fmbappe-goal-rco-1.jpg&noparse=true){kind=link}