"ПСЖ" ҳужумчиси Килиан Мбаппе Чемпионлар лигаси 1/8 финалининг жавоб учрашувида "Реал Сосьедад" устидан қозонилган ғалаба (2:1) ҳақида фикр билдирди.

“Биз жуда хурсандмиз. Мақсад шу эди. Биз саралашдан ўтишни истардик, шу билан бирга ғалаба қозонишни ҳам хоҳлардик. Бизда аниқ ўйин режаси бор эди ва учрашув бошидаёқ гол уришга муваффақ бўлдик. Бизга ортиқча босим бўлмади, фақат якунда бироз қийналдик.

Бу ерда хотиржам бўла олмаслигимизни дарҳол англадик. Агар улар ҳисобни очишганида, мухлислари қўллаб-қувватлаган ҳолда ўйинни давом эттирган бўларди. Ва биз бошиданоқ уларнинг умидларини соқит қилишимиз керак эди. Биз шундай қилдик ва биз яна чорак финалда ўйнашимиздан жуда хурсандмиз", - дея Мбаппенинг сўзларидан иқтибос келтиради УЕФА матбуот хизмати.

Парижликларнинг чорак финалдаги рақиби қуръа натижаларига кўра аниқланади. У 15 март куни бўлиб ўтади.