Londonning “Chelsi” klubi yarim himoyachisi Moyses Kaysedo moslashishdagi qiyinchiliklar haqida gapirdi.
22 yoshli futbolchi o‘tgan yilning avgust oyida "Brayton"dan 116 million yevro evaziga sotib olingandi, ammo transferga kiritilgan mablag‘ni haligacha oqlay olmadi.
"Albatta, "Chelsi" safida o‘tkazgan barcha o‘yinlarimda yaxshi o‘ynamadim va avvaliga bu menga qiyin bo‘ldi, ammo hozir o‘zimni yaxshi his qilyapman. Hozir o‘zimni jamoaga o‘z hissamni qo‘shayotgandek his qilyapman. Men faqat o‘yin haqida o‘ylayman, odamlar men haqimda nima deyishi haqida emas", - deya ekvadorlik yarim himoyachining so‘zlaridan iqtibos keltiradi "Chelsi" matbuot xizmati.
Moyses Kaysedo “ko‘klar” safida barcha musobaqalarda 34 ta o‘yinda maydonga tushib, 2 ta golli uzatmani amalga oshirdi.
