Лондоннинг “Челси” клуби ярим ҳимоячиси Мойсес Кайседо мослашишдаги қийинчиликлар ҳақида гапирди.
22 ёшли футболчи ўтган йилнинг август ойида "Брайтон"дан 116 миллион евро эвазига сотиб олинганди, аммо трансферга киритилган маблағни ҳалигача оқлай олмади.
"Албатта, "Челси" сафида ўтказган барча ўйинларимда яхши ўйнамадим ва аввалига бу менга қийин бўлди, аммо ҳозир ўзимни яхши ҳис қиляпман. Ҳозир ўзимни жамоага ўз ҳиссамни қўшаётгандек ҳис қиляпман. Мен фақат ўйин ҳақида ўйлайман, одамлар мен ҳақимда нима дейиши ҳақида эмас", - дея эквадорлик ярим ҳимоячининг сўзларидан иқтибос келтиради "Челси" матбуот хизмати.
Мойсес Кайседо “кўклар” сафида барча мусобақаларда 34 та ўйинда майдонга тушиб, 2 та голли узатмани амалга оширди.
