“Ayaks” yarim himoyachisi Jordan Xenderson “Aston Villa”ga qarshi bo‘lib o‘tadigan Konferensiyalar ligasi o‘yini haqida gapirdi.

"Aston Villa" juda yaxshi jamoa va ularning o‘yini juda ta’sirli. Men Unai Emerining ashaddiy muxlisiman. Bu Yevropaning eng kuchli jamoalaridan biri bo‘lsa kerak", - deya Xendersonning so‘zlarini keltiradi Amsterdam klubi matbuot xizmati.

Joriy mavsumda 33 yoshli Xenderson barcha musobaqalarda 24 ta o‘yinda ishtirok etdi va 5 ta golli uzatmani amalga oshirdi.

“Ayaks” – “Aston Villa” o‘rtasidagi Konferensiyalar ligasi 1/8 final uchrashuvi 7 mart, payshanba kuni bo‘lib o‘tadi.