“Аякс” ярим ҳимоячиси Жордан Хендерсон “Астон Вилла”га қарши бўлиб ўтадиган Конференциялар лигаси ўйини ҳақида гапирди.

"Астон Вилла" жуда яхши жамоа ва уларнинг ўйини жуда таъсирли. Мен Унаи Эмерининг ашаддий мухлисиман. Бу Европанинг энг кучли жамоаларидан бири бўлса керак", - дея Хендерсоннинг сўзларини келтиради Амстердам клуби матбуот хизмати.

Жорий мавсумда 33 ёшли Хендерсон барча мусобақаларда 24 та ўйинда иштирок этди ва 5 та голли узатмани амалга оширди.

“Аякс” – “Астон Вилла” ўртасидаги Конференциялар лигаси 1/8 финал учрашуви 7 март, пайшанба куни бўлиб ўтади.