«Манчестер Юнайтед»дан ижарага олинган «Барселона» вингери Маркус Рэшфорд Премьер-лиганинг бошқа бир клубига ўтиши мумкин. Англия ОАВларининг хабар беришича, 28 ёшли футболчини сотиб олиш имкониятини «Арсенал» кўриб чиқмоқда.
Рэшфорд «канонирлар» учун асосий мақсад эмас, бироқ бошқа муҳимроқ номзодларни қўлга киритиш имкони бўлмаса, унинг варианти долзарб бўлиб қолиши мумкин. Инглиз футболчисининг «Барселона»даги келажаги эса номаълумлигича қолмоқда: «кўк-анорранглилар» уни 30 миллион еврога сотиб олиш бўйича биринчи навбатдаги ҳуқуққа эга, бироқ каталонияликлар ушбу бандни фаоллаштиришга унчалик иштиёқ билдиришмаяпти.
Агар Ла Лига гранди «Манчестер Юнайтед» билан трансфер шартларини келиша олмаса, курашга бошқа даъвогарлар қўшилади.
