Lissabonning "Benfika" klubi markaziy himoyachisi Antonio Silva "Bavariya"ning nomzodlar ro‘yxatida. Jurnalist Florian Plettenberg xabariga ko‘ra, "qizil mashina" 20 yoshli portugaliyalikni sotib olish variantini ko‘rib chiqmoqda.
Hozircha muammo shundaki, Silvaning shartnomasida tovon puli 100 million yevro qilib belgilangan. Bu narxni 70-80 million yevroga tushirish ehtimoli bor, ammo "Bavariya" haligacha yangi himoyachi uchun bunday pul sarflashni istamayapti.
Balki, agar yozda Matteys de Ligt yoki Dayo Upamekano jamoani tark etsa, rahbariyat baribir Antonio uchun pul ajratishga qaror qiladi.
