"Real Sosyedad" bosh murabbiyi Imanol Alguasil Chempionlar ligasining 1/8 finali doirasidagi Fransiyaning "PSJ" klubiga qarshi javob uchrashuvidan (1:2) keyin OAVga intervyu berdi.
"Men jamoam bilan faxrlanaman. Chorak finalga chiqa olmaganimizga qaramay, futbolchilarimni tabriklamoqchiman. Turnirning eng kuchli jamoalaridan biriga qarshi maydonga tushdik.
Biz yana Chempionlar ligasida o‘ynashga umid qilamiz. Biz kelasi mavsum turnirga qaytish uchun qo‘limizdan kelgan barcha ishni qilamiz", - deya mutaxassisning so‘zlarini keltiradi UEFA matbuot xizmati.