Yengil vazn toifasida UFC sobiq chempioni Xabib Nurmagomedov (29-0) inson doimo biror narsaga muhtoj bo‘lishi kerak, deb hisoblaydi.
“Menda pul yo‘q bo‘lganida oddiy hayotim bor edi. Hozir men pul bilan yashayman. Men pulsiz hayot baxtliroq ekanligiga ishonaman. Inson har doim biror narsaga muhtoj bo‘lishi kerak. Qachonki inson boy bo‘lsa, u keyin Qodirga muhtoj bo‘lmay qoladi. Pul sizni Qodir Tangridan uzoqlashtiradi. Men pulga muammo sifatida qarayman. Ha, men ularni bir tomondan topishga harakat qilaman. Lekin shu bilan birga, pul yuragimga kirishini istamayman”, — dedi Nurmagomedov VK Video'ga bergan intervyusida.
