Villi Orbanning fikricha, Vinisius "Real Madrid" - "Leypsig" o‘yinidan chetlatilishi kerak edi.
Madridning “Real” klubi Chempionlar ligasi 1/8 finalining javob uchrashuvida “Leypsig” bilan durang o‘ynadi (1:1, birinchi o‘yin 1:0).
55-daqiqada madridliklar vingeri Vinisius Junior markazda Orbanga nisbatan qo‘pollik ishlatib, uning bo‘yniga ikki qo‘li bilan zarba berdi.
Uchrashuvning bosh hakami Davide Massa braziliyalik futbolchiga sariq kartochka ko‘rsatdi. Oradan 10 daqiqa o‘tib Vinisius hisobni ochdi.
“Afsuski, hakamlarda bunday futbolchilarni maydondan chetlatish uchun jur’at yetishmayapti. Unga qizilni ko‘rsatish mumkin edi.
Ikki qo‘li bilan bo‘ynimga urdi. Bu hurmatsizlik!" – dedi "Leypsig" sardori.
