Вилли Орбаннинг фикрича, Винисиус "Реал Мадрид" - "Лейпциг" ўйинидан четлатилиши керак эди.
Мадриднинг “Реал” клуби Чемпионлар лигаси 1/8 финалининг жавоб учрашувида “Лейпциг” билан дуранг ўйнади (1:1, биринчи ўйин 1:0).
55-дақиқада мадридликлар вингери Винисиус Жуниор марказда Орбанга нисбатан қўполлик ишлатиб, унинг бўйнига икки қўли билан зарба берди.
Учрашувнинг бош ҳаками Давиде Масса бразилиялик футболчига сариқ карточка кўрсатди. Орадан 10 дақиқа ўтиб Винисиус ҳисобни очди.
“Афсуски, ҳакамларда бундай футболчиларни майдондан четлатиш учун журъат етишмаяпти. Унга қизилни кўрсатиш мумкин эди.
Икки қўли билан бўйнимга урди. Бу ҳурматсизлик!" – деди "Лейпциг" сардори.
