“Manchester Siti” turnir jadvalida uchinchi o‘rinda, ammo baribir APL chempionligi uchun asosiy da’vogar sanaladi.
28-turdan o‘rin olgan “Liverpul” – “Manchester Siti” uchrashuvi 1:1 hisobida yakunlandi. Birinchi o‘rinni saqlab qolgan “Arsenal”ni bu durang qanoatlantirdi.
Endilikda londonliklar hisobida xuddi «Liverpul»dagi kabi 64 ochko bor, biroq Yurgen Klopp shogirdlari to‘plar nisbati bo‘yicha pastroq.
“Manchester Siti” esa 63 ochko jamg‘argan. "Shaharliklar" va ularning raqobatchilari o‘rtasidagi minimal tafovutga qaramay, Opta superkompyuteri ularni chempionlik unvoni uchun asosiy da’vogar deb hisoblaydi.
Pep Gvardiola jamoasining g‘alaba qozonish ehtimoli 46%, "Liverpul"ning g‘alabasi esa 35%, "Arsenal"ning g‘alabasi esa atigi 19% deb baholanmoqda.
