“Manchester Siti” himoyachisi Jon Stouns “Liverpul”ga (1:1) qarshi o‘yinda darvozabon Shtefan Orteganing o‘yiniga yuqori baho berdi.

Nemis darvozaboni o‘yinning 56-daqiqasida jarohat olgan Edersonning o‘rniga maydonga tushdi. Mersisaydliklar ko‘plab xavfli vaziyatlar yaratishdi, ammo "shaharliklar"ning ikkinchi darvozaboni yaxshi harakat qildi.

“Ortega ajoyib darvozabon. O‘sha paytda maydonga chiqish juda qiyin edi, lekin u ajoyib o‘ynadi va aqlli seyvlar qildi. Har doimgidek qiyin damda jamoaga yordam berishga tayyor bo‘lgani uchun unga katta rahmat", - dedi Stouns.