“Манчестер Сити” ҳимоячиси Жон Стоунс “Ливерпуль”га (1:1) қарши ўйинда дарвозабон Штефан Ортеганинг ўйинига юқори баҳо берди.

Немис дарвозабони ўйиннинг 56-дақиқасида жароҳат олган Эдерсоннинг ўрнига майдонга тушди. Мерсисайдликлар кўплаб хавфли вазиятлар яратишди, аммо "шаҳарликлар"нинг иккинчи дарвозабони яхши ҳаракат қилди.

“Ортега ажойиб дарвозабон. Ўша пайтда майдонга чиқиш жуда қийин эди, лекин у ажойиб ўйнади ва ақлли сэйвлар қилди. Ҳар доимгидек қийин дамда жамоага ёрдам беришга тайёр бўлгани учун унга катта раҳмат", - деди Стоунс.