Ar-Riyodning "Ash-SHabab" klubi yarim himoyachisi Ivan Rakitich Ispaniya chempionati, Chempionlar ligasi, Yevropa ligasi, Saudiya Arabistoni Pro-ligasi va Yevropa chempionatida kim g‘olib chiqishi haqida o‘z fikrlari bilan o‘rtoqlashdi.
- La Ligani kim yutadi?
- Hech qanday shubha yo‘q - "Real Madrid".
- Chempionlar ligasi?
- "Barselona".
- Saudiya Arabistoni Pro ligasida kim g‘olib chiqadi?
- "Al-Hilol".
- Yevropa ligasi? Ammo ehtiyot bo‘ling, "Sevilya" u yerda emas...
- Menimcha, "Bayer".
- Yevropa chempionati g‘olibi sifatida kimni ko‘rasiz?
- Buni aytish juda qiyin, ammo Xorvatiya" - dedi Rakitich.
Ispaniya chempionati turnir jadvalida 66 ochko bilan “Real Madrid” peshqadamlik qilmoqda. "Galaktikos" Chempionlar ligasining 1/8 finaliga ham yo‘l oldi.
Saudiya Arabistoni chempionatida 65 ochko jamg‘argan “Al-Hilol” klubi yetakchilik qilmoqda.
Yevropa ligasi 1/8 finalining ilk o‘yinida “Bayer” “Qorabog‘” bilan 2:2 hisobida durang o‘ynadi.
Xorvatiya terma jamoasi Yevropa chempionati final bosqichida Italiya, Ispaniya va Albaniya terma jamoalari bilan birga “B” guruhidan joy oldi.
