Ар-Риёднинг "Аш-Шабаб" клуби ярим ҳимоячиси Иван Ракитич Испания чемпионати, Чемпионлар лигаси, Европа лигаси, Саудия Арабистони Про-лигаси ва Европа чемпионатида ким ғолиб чиқиши ҳақида ўз фикрлари билан ўртоқлашди.

- Ла Лигани ким ютади?
- Ҳеч қандай шубҳа йўқ - "Реал Мадрид".

- Чемпионлар лигаси?
- "Барселона".

- Саудия Арабистони Про лигасида ким ғолиб чиқади?
- "Ал-Ҳилол".

- Европа лигаси? Аммо эҳтиёт бўлинг, "Севилья" у ерда эмас...
- Менимча, "Байер".

- Европа чемпионати ғолиби сифатида кимни кўрасиз?
- Буни айтиш жуда қийин, аммо Хорватия" - деди Ракитич.

Испания чемпионати турнир жадвалида 66 очко билан “Реал Мадрид” пешқадамлик қилмоқда. "Галактикос" Чемпионлар лигасининг 1/8 финалига ҳам йўл олди.

Саудия Арабистони чемпионатида 65 очко жамғарган “Ал-Ҳилол” клуби етакчилик қилмоқда.

Европа лигаси 1/8 финалининг илк ўйинида “Байер” “Қорабоғ” билан 2:2 ҳисобида дуранг ўйнади.

Хорватия терма жамоаси Европа чемпионати финал босқичида Италия, Испания ва Албания терма жамоалари билан бирга “Б” гуруҳидан жой олди.