Hozirda Chempionlar ligasi doirasida bo‘lib o‘tayotgan Londonning "Arsenal" va "Portu" jamoalari o‘rtasidagi bahsda hisob ochildi. Birinchi bo‘lim oxirlarida “kanonirlar”ning belgiyalik hujumchisi Leandro Trossard chap qanotdan mehmonlar darvozasiga chiroyli tarzda gol kiritdi.
Bugungi goli bilan Trossard ketma-ket to‘rtta o‘yinni o‘z ichiga olgan golsiz seriyasini buzdi. Oxirgi marta Trossard 17 fevral kuni APL doirasida "Byornli"ga qarshi o‘yinda (5:0) gol urgandi, shundan beri u raqiblar darvozasini ishg‘ol eta olmadi. Shuningdek, 17 fevraldan buyon Trossard o‘z klubi uchun golli uzatma ham amalga oshirmadi.
