Londonning “Chelsi” klubi rahbariyati mavsum oralig‘ida tarkibni keng ko‘lamli tozalash orqali byudjetdagi 105 million yevrolik kamomaddan xalos bo‘lishni kutmoqda. Bu haqda Britaniya OAV ma’lum qildi.

Manbaga ko‘ra, “ko‘klar” prezidenti Todd Boeli yaqinda Saudiya Arabistoniga tashrif buyurgan va u yerda mamlakat sport vazirligi rahbari, shuningdek, Saudiya Pro-ligasi rahbariyati bilan uchrashgan.

London klubi xo‘jayini jamoaning olti nafar o‘yinchisi: Romelu Lukaku, Kepa Arrisabalaga, Rahim Sterling, Mark Kukurelya, Armando Broya va Trevo Chalobani bo‘yicha muzokaralar olib borishga urindi.

Boelining bu harakatining sababi moliyaviy feyr-pley shartlariga rioya qilishdir.