Лондоннинг “Челси” клуби раҳбарияти мавсум оралиғида таркибни кенг кўламли тозалаш орқали бюджетдаги 105 миллион евролик камомаддан халос бўлишни кутмоқда. Бу ҳақда Британия ОАВ маълум қилди.
Манбага кўра, “кўклар” президенти Тодд Боэли яқинда Саудия Арабистонига ташриф буюрган ва у ерда мамлакат спорт вазирлиги раҳбари, шунингдек, Саудия Про-лигаси раҳбарияти билан учрашган.
Лондон клуби хўжайини жамоанинг олти нафар ўйинчиси: Ромелу Лукаку, Кепа Аррисабалага, Раҳим Стерлинг, Марк Кукурелья, Армандо Броя ва Трево Чалобани бўйича музокаралар олиб боришга уринди.
Боэлининг бу ҳаракатининг сабаби молиявий фэйр-плей шартларига риоя қилишдир.
