Ilgiz Tantashev boshchiligidagi o‘zbekistonlik hakamlar jamoasi JCH-2026 saralash uchrashuviga tayinlov oldi.
Xabaringiz bor, 2026 yilda Shimoliy Amerikada o‘tkazilishi rejalashtirilgan futbol bo‘yicha Jahon chempionati uchun Osiyo qit’asi saralash uchrashuvlari 2023 yilning oktyabr oyida boshlangan va saralashning dastlabki bosqichida o‘zbekistonlik hakamlar 3 ta uchrashuvni boshqargan edi.
Saralashning ikkinchi bosqichidan o‘rin olgan Yaman – BAA uchrashuvini Ilgiz Tantashev boschiligidagi hakamlar jamoasi boshqarib boradi. Qanotlarda unga Andrey Sapenko hamda Timur Gaynullin yordam bersa, yana bir hakam Asker Najafaliyev zaxira hakami vazifasini bajarishi ko‘zda tutilgan.
Bundan tashqari, ushbu bosqich doirasidagi Falastin – Bangladesh bahsiga yana bir o‘zbekistonlik vakil — Vladislav Seytlin hakamlar nazoratchisi sifatida tayinlov olgan.
Quyida ular boshqaradigan uchrashuv ma’lumotlari bilan tanishing:
JCH—2026 saralashi, 2-bosqich | Osiyo mintaqasi, H guruhi
Yaman – BAA
27.03.2024 | 00:00
Osiyo mintaqasi, I guruhi
Falastin – Bangladesh
21.03.2024 | 23:30.
