"Real Madrid" prezidenti Florentino Peres tomonidan juda faol targ‘ib qilinayotgan "Superliga" loyihasi nomini o‘zgartirishi kerak. "Superliga" so‘zini ishlatib bo‘lmaydi, bu Yevropa Ittifoqi tomonidan qabul qilingan qaror. Bu haqda Telegraph o‘z sahifalarida so‘z yuritadi.
Gap shundaki, “Superliga” savdo belgisi sifatida avval Yevropa Ittifoqida Daniya oliy divizioni tomonidan ro‘yxatga olingan edi. Bu mamlakatda oliy liga Superliga deb ataladi.
Qayd etish joiz, Yevropa Superligasi loyihasini faqat ikki gigant klub “Real” va “Barselona” ochiq qo‘llab-quvvatlamoqda. Dastlab, loyihaning asoschilari 12 ta Yevropa klubi edi.
