"Manchester Yunayted" bosh murabbiyi yordamchisi Benni Makkarti klubdagi kelajagi haqidagi savolga javob berdi.
Makkarti 2022 yilning yozida Erik Ten Xagning "Manchester Yunayted"dagi murabbiylar shtabiga kelib, asosiy e’tiborni hujumchilar bilan ishlashga qaratgandi.
Sobiq "Blekbern" va "Vest Xem" futbolchisining sa’y-harakatlari Markus Reshfordning o‘tgan mavsumda o‘zining eng yaxshi formasiga qaytishiga va 30 ta gol urishiga sabab bo‘lgan deb hisoblangan.
Biroq, Makkartining o‘ziga xos murabbiylik faoliyatiga intilishlari bor va kelayotgan yoz bu harakatni amalga oshirish uchun to‘g‘ri vaqt bo‘lishi mumkin, ayniqsa Ten Xagning "MYU"dagi noaniq istiqbollarini hisobga olgan holda.
"To‘plagan bilimlarim va jamoam uchun qilgan barcha ishlarim bilan men bundan bosh murabbiy bo‘lish uchun foydalanmoqchiman. Faqat bosh murabbiy kursisida o‘tirib, qaror qabul qilish va yetakchilik adrenalinini his qila olasiz va men bir kun buni boshdan kechirishni xohlayman" - dedi Makkarti Daily Mirror bilan suhbatda.
