Duayt Yorkning fikricha, "Manchester Yunayted" Romelu Lukakuni qaytarishi kerak.
“U, albatta, hali ham “katta oltilik” klublarida o‘ynash uchun yetarli kuchga ega. O‘ylaymanki, "Manchester Yunayted" yoki "Tottenxem" Lukakuni ijaraga olishi va uning maoshining ma’lum qismini to‘lashga rozi bo‘lishi kerak.
Nima deyishmasin, Lukaku yaxshi statistikaga ega, uni munosib darajada qadrlashmaydi. Agar sizda g‘ayratli Lukaku bo‘lsa, unda sizda o‘yinlarda g‘alaba qozonadigan va har qanday raqibga muammo tug‘diradigan odam mavjud.
Lukaku endigina 30 yoshda va o‘zining gol urish qobiliyatini isbotlagan. Kim uni ijaraga olsa, yaxshi ish qiladi", - dedi “Manchester Yunayted”ning sobiq forvardi.
Belgiyalik futbolchi “Yunayted”da 2017 yildan 2019 yilgacha o‘ynagan. Hozirda u "Chelsi"ga tegishli va "Roma"da ijara asosida o‘ynamoqda.
