Дуайт Йоркнинг фикрича, "Манчестер Юнайтед" Ромелу Лукакуни қайтариши керак.
“У, албатта, ҳали ҳам “катта олтилик” клубларида ўйнаш учун етарли кучга эга. Ўйлайманки, "Манчестер Юнайтед" ёки "Тоттенхэм" Лукакуни ижарага олиши ва унинг маошининг маълум қисмини тўлашга рози бўлиши керак.
Нима дейишмасин, Лукаку яхши статистикага эга, уни муносиб даражада қадрлашмайди. Агар сизда ғайратли Лукаку бўлса, унда сизда ўйинларда ғалаба қозонадиган ва ҳар қандай рақибга муаммо туғдирадиган одам мавжуд.
Лукаку эндигина 30 ёшда ва ўзининг гол уриш қобилиятини исботлаган. Ким уни ижарага олса, яхши иш қилади", - деди “Манчестер Юнайтед”нинг собиқ форварди.
Бельгиялик футболчи “Юнайтед”да 2017 йилдан 2019 йилгача ўйнаган. Ҳозирда у "Челси"га тегишли ва "Рома"да ижара асосида ўйнамоқда.
