Leverkuzenning "Bayer" klubi bosh murabbiy Xabi Alonso Ozarbayjonning "Qorabog‘"iga qarshi Yevropa ligasi 1/8 finali javob o‘yini haqidagi fikrlari bilan o‘rtoqlashdi.
“Engilmas jamoalar yo‘q. Har bir uchrashuvda kurashishga harakat qilamiz. "Bayer" hozirda ajoyib tarkibga ega, jamoada katta ambisiyalarga ega futbolchilar bor. Ular iloji boricha g‘alaba qozonishni xohlashadi. Biz hozir final haqida o‘ylamayapmiz, biz faqat bo‘lajak uchrashuv haqida o‘ylayapmiz”, — dedi ispaniyalik murabbiy.
Eslatib o‘tamiz, dastlabki o‘yinda jamoalar 2:2 hisobida durang o‘ynashgandi. Javob o‘yini 14 mart kuni Germaniyada bo‘lib o‘tadi.
