Леверкузеннинг "Байер" клуби бош мураббий Хаби Алонсо Озарбайжоннинг "Қорабоғ"ига қарши Европа лигаси 1/8 финали жавоб ўйини ҳақидаги фикрлари билан ўртоқлашди.
“Енгилмас жамоалар йўқ. Ҳар бир учрашувда курашишга ҳаракат қиламиз. "Байер" ҳозирда ажойиб таркибга эга, жамоада катта амбицияларга эга футболчилар бор. Улар иложи борича ғалаба қозонишни хоҳлашади. Биз ҳозир финал ҳақида ўйламаяпмиз, биз фақат бўлажак учрашув ҳақида ўйлаяпмиз”, — деди испаниялик мураббий.
Эслатиб ўтамиз, дастлабки ўйинда жамоалар 2:2 ҳисобида дуранг ўйнашганди. Жавоб ўйини 14 март куни Германияда бўлиб ўтади.
