"Arsenal" va Angliya terma jamoasi o‘ng qanot himoyachisi Ben Uayt yaqinda hozirgi jamoasi bilan yana mehnat shartnomasini imzolaydi. Bu haqda jurnalist Fabrisio Romano X ijtimoiy tarmog‘ida (sobiq Twitter) xabar berdi.
Manbaning xabariga ko‘ra, tomonlar 2027/2028 yilgi mavsum oxirigacha shartnoma tuzmoqchi. Yangilangan shartnoma, shuningdek, 2029 yilning yozigacha avtomatik uzaytirish variantini ham o‘z ichiga oladi. Qayd etilishicha, futbolchi vakillari jamoa rahbariyati bilan yangi kelishuv tafsilotlarini muvaffaqiyatli kelishib olishgan. Tez orada klub rasmiy bayonot berishi kutilmoqda.
