"Арсенал" ва Англия терма жамоаси ўнг қанот ҳимоячиси Бен Уайт яқинда ҳозирги жамоаси билан яна меҳнат шартномасини имзолайди. Бу ҳақда журналист Фабрицио Романо Х ижтимоий тармоғида (собиқ Twitter) хабар берди.
Манбанинг хабарига кўра, томонлар 2027/2028 йилги мавсум охиригача шартнома тузмоқчи. Янгиланган шартнома, шунингдек, 2029 йилнинг ёзигача автоматик узайтириш вариантини ҳам ўз ичига олади. Қайд этилишича, футболчи вакиллари жамоа раҳбарияти билан янги келишув тафсилотларини муваффақиятли келишиб олишган. Тез орада клуб расмий баёнот бериши кутилмоқда.
