"Chelsi" hujumchisi Rahim Sterling bo‘lajak o‘yinlarda Angliya terma jamoasiga kiritilmasligi mumkin. Jurnalist Mett Louning yozishicha, "uch sherlar" bosh murabbiyi Garet Sautgeyt futbolchini mart oyidagi o‘yinlarga taklif qilmoqchi emas.
Shuningdek, manbaning qo‘shimcha qilishicha, Sterling Germaniyada bo‘lib o‘tadigan Yevropa chempionatida ishtirok eta olmaydi, chunki angliyalik murabbiy hozirda Rahimni jamoasiga yordam bera oladigan futbolchi deb hisoblamaydi.
2021 yilgi Yevropa chempionatida Rahim Angliyaning asosiy o‘yinchilaridan biri bo‘lgan va jamoaning finalga chiqishiga yordam bergan edi. O‘sha turnirda Sterling uchta gol urdi va bitta golli uzatmani amalga oshirdi.
